Á laugardaginn 25. mars 2023 kom nýtt björgunarskip Slysavarnafélagsins Landsbjargar, Sigurvin, til hafnar á Siglufirði.
Sigurvin lagði af stað frá Reykjavík síðdegið á föstudag, og sóttist ferðin afar vel. Svo vel gekk siglingin norður að skipið þurfti að lóna fyrir utan Siglufjörð, svo það sigldi inn fjörðinn á auglýstum tíma.
Sigurvin er annað af 13 nýjum skipum sem Slysavarnafélagið Landsbjörg er að láta smíða í Finnlandi. Von er á þriðja skipinu í haust, sem verður staðsett í Reykjavík.
Mikil hátíðahöld voru á Siglufirði þar sem tekið var á móti nýju björgunarskipinu, eins og sjá má á meðfylgjandi myndum.
Myndir
Vídeó
Frétt á RÚV
Hægt er að horfa á frétt á RÚV um komu björgunarskipsins með því að smella hér.
