Sigurvin - Björgunarsveitin Strákar Siglufirði

Björgunarskipið Sigurvin

Sagan

Hér fyrir neðan er farið yfir sögu björgunarskips Siglufjarðar sem hófst árið 1997. Síðan þá hefur björgunarskip átt heimahöfn á Siglufirði og sinnt öllum þeim útköllum og verkefnum sem að því hefur verið fólgið að sinna.

Hafsvæði björgunarskipsins er mjög stórt og er töluverð skipaumferð á þessu svæði bæði dagróðursbáta og stærri skipa. Svæðið sem björgunarskipið sinnir nær frá Skagatá sem er yst í Skagafirði að Vestanverðu og alveg Austur fyrir Húsavík.

Þá má einnig nefna að björgunarskipið er skráð í fyrsta viðbragð við alvarlegum atburðum sem geta átt sér stað í Grímsey. Þar má t.d. nefna flugslys eða alvarleg veikindi sem að ekki er hægt að sinna með sjúkraflugi vegna aðstæðna.

Að meðaltali eru um 30-35 útköll og aðstoðarbeiðnir á ári sem björgunarskipið sinnir, sem er töluvert miðað við alla þá framþróun sem hefur átt sér stað í sjóöryggi á Íslandi á undanförnum árum.

Eftirfarandi er smá samantekt á skipum sem að hafa sinnt þessu hlutverki fyrir okkur á Siglufirði.

Viðbraqstími:	5-10 mín	Fjöldi í áhöfn:	5-6
Ganghraði:	15 – 18 sml/klst	Farsvið:	200 sjómílur
Smíði:	Ál	Brúttólestir:	29 tonn
Brúttótonn:	30 tonn	ML:	18.90 m
Breidd:	4.30 m	Dýpt:	2.18 m
Sími:	112

Eins og fram hefur komið þá kom fyrsta björgunarskipið til Siglufjarðar föstudaginn 30. maí árið 1997. Skipið var keypt af þýsku Sjóbjörgunarsveitunum sem voru að endurnýja skipin hjá sér. Við komuna fékk björgunarskipið nafnið Sigurvin og var með skráningarnúmerið 2293.

Nafnið á honum var vel valið og var skírður eftir bátnum sem að Gústi Guðsmaður átti. Þetta var gamalt skip þegar það kom til Siglufjarðar, 28 ára gamalt. Það var ekki til meiri peningur á þeim tíma hjá Landsbjörg til að kaupa nýrra skip.

Þrátt fyrir aldur var það í mjög góðu standi og búinn öllum þeim búnaði sem að krafðist til björgunarstarfa á sjó. Skipið var í umsjá Björgunarsveitarinnar Stráka til ársins 2006 og fór í ótal útköll og þjónustu leiðangra. Reyndist okkur mjög vel þrátt fyrir aldur.

Nafn	Sigurvin SI-
Tegund	Björgunarskip
Heimahöfn	Siglufjörður
Útgerð	Jóhannes Eggertsson

Skipanr.	2293
Kallmerki	TF-SK
Skráð lengd	17,57 m
Brúttótonn	30,0 t
Brúttórúmlestir	28,57

Smíðaár	1969
Smíðastöð	Fr Schweers Bardenfleth

Vél

MTU, 6-1969

Mesta lengd	18,9 m
Breidd	4,3 m
Dýpt	2,18 m
Nettótonn	11,0
Hestöfl	815,0

Árið 2006 kom nýrra Björgunarskip til Siglufjarðar sem keypt var notað af Bresku Sjóbjörgunarsveitumnum. Þetta skip var næstum 20 árum yngra en gamla björgunarskipið og fékk það að halda sama nafninu og fyrra skip sem er Sigurvin og fékk það skráningar númerið 2683.

Í þessu skipi var allur aðbúnaður orðinn mun betri til björgunarstarfa á sjó þá aðallega var verið að horfa til aðbúnaðar til að geta tekið og sinnt liggjandi sjúkling betur. Annað var annaðhvort betra eða á pari við gamla skipið sem sagt björgunargetan.

Það sem að áhöfnin fann mest fyrir var að þessi bátur fór betur með áhöfnina, var stöðugri og minni hreyfing, sem er mikill kostur því að úthald áhafnar skiptir sköpum við krefjandi aðstæður.

Þessi Sigurvin er búinn að vera í umsjá Björgunarsveitarinnar Stráka í 16 ár og búið að fara fjölmarga björgunarleiðangra og hefur reynst mjög vel og ávallt skilað áhöfn öryggri heim aftur.

Almennar upplýsingar um Sigurvin

Nafn	Sigurvin SI-
Tegund	Björgunarskip
Heimahöfn	Siglufjörður
Útgerð	Slysavarnafélagið Landsbjörg

Skipanr.	2683
MMSI	251188640
Kallmerki	TFSJ
Sími	852 4022
Skráð lengd	14,8 m
Brúttótonn	40,73 t
Brúttórúmlestir	44,21

Smíði:

Smíðaár	1988
Smíðastaður	England
Smíðastöð	Halmatic Ltd/w.osborne Ltd
Efni í bol	Trefjaplast
Vél	Caterpillar, 1986
Breytingar	Nýskráning 2006 – Innfluttur

Mesta lengd	15,89 m
Breidd	5,2 m
Dýpt	2,7 m
Nettótonn	12,22

Þegar þetta er skrifað, þá er þriðja skipið í smíðum sem segir okkur að það er loksins að koma NÝTT björgunarskip til Siglufjarðar. Það skip er smíðað eftir nútíma kröfum og fyrir okkar þarfir.

Gömlu skipin voru mjög góð á sinn hátt og á sínum tíma en voru því miður bara orðin úreld og hætt að geta sinnt okkar þörfum.

Nýja skipið á að hafa alla þá eiginleika sem gömlu skipin höfðu til björgunarstarfa, bara með mikið meiri tækni sem kemur sér einstaklega vel fyrir öryggi áhafnar.

Sjá einnig: Nýr Sigurvin í heimahöfn á Siglufirði – Myndir og vídeó